A Policía Local de Ourense atendeu un total de 16.241 chamadas,  na súa meirande parte referidas a problemas de tráfico, xestionou un total de 2.055 informes técnicos e oficios (365 licenzas de apertura e actividade), emitiu 1.909 partes e tramitou 7.516 expedientes.
Un “inxente traballo administrativo que a Policía Local desenvolve froito da súa estreita colaboración con Concello, transversal en cada un dos departamentos” e onde destacan como as de maior actividade Medio Ambiente, Comercio e Urbanismo, sinalou este xoves o concelleiro de Seguridade do Concello de Ourense, Fernando Varela.
138 axentes conforman na actualidade o corpo da Policía Local en Ourense, unha cifra que “aínda que insuficiente”, apuntaba o Superintendente Abelardo Ulloa, está a aumentar nos últimos anos. Neste sentido o Concelleiro de Seguridade, Fernando Varela explicou que “en 2008 sairon 6 prazas, outras 6 en 2009 e no 2010 8 novas prazas que se cubrirán este ano”.
No tocante a recursos materiais “o balance e bó”, se dixo, tanto no referente ao parque móbil como a dotación informática. Recentemente a Policía Local vén de incorporar un servizo de PDAs a disposición dos axentes de cara a axilizar os trámites.

No tocante aos servizos prestados pola Policía Local, Fernando Varela explicou que a xestión do tráfico ocupa o primeiro lugar, xa que delitos como roubos ou actos vandálicos son por fortuna pouco comúns en Ourense. “Segundo datos da Subdelegación de Goberno – explicaba o Superintendente Xefe – Ourense é unha das cidades máis seguras do Estado en canto número de delitos por habitante”.
En 2010 rexistrarónse 125 actos vandálicos, 588 comparecencias, 42 detencións, 1636 intervencións por delitos contra a propiedade intelectual e só 3 intervencións por armas e drogas.

Especial atención recibe o tratamento e atención a violencia de xénero, con 15 detencións en 2010.
Aquí Fernando Varela explicou que a Policía Local conta cun axente con adicación exclusiva neste ámbito: o seguimento diario de víctimas suma 4.272 casos e 3.818 corresponden a seguimento e control telefónico.

No que corresponde  a xestión do tráfico, o edil nacioanalista fixo fincapé na “prevención e educación, que é a nosa máxima prioridade política cando falamos de seguridade vial”.
Deste xeito, durante o 2010 a Policía Local desenvolveu 3 campañas en colaboración coa Dirección Xeral de Tráfico correspondentes ao uso do teléfono móbil ao volante, a seguridade no transporte escolar e o control de motocicletas.
Así mesmo, destaca a actividade do Parque Infantil de Tráfico, no que participaron máis de 4.000 rapaces e rapazas de 26 colexios da cidade e 40 da provincia.  En materia de seguridade vial entre os máis cativos Fernando Varela destacou así mesmo a colaboración coa Concellería de Educación na implantación do “Camiño Escolar”.

No apartado de multas e sancións, Fernando Varela destacou que “a pesares de que só aumento un 13% o numero de sanción a recaudación aumentou máis dun 40%”, un incremento que corresponde a tramitación e seguimento de expedientes en gran medida. O guindastre municipal tatendeu un total de 8.0007, na súa meirande parte por estacionamento indebido e obstaculización do tráfico.

Facendo balance do pasado 2010 o Concelleiro de Seguridade fixo fincapé na entrada en vigor da nova Ordenanza Municipal de Tráfico, “unha ferramenta coa que darmos outro enfoque ao tránsito da nosa cidade” e da que destacou a sinalización de entradas á Zona Histórica, a nova Zona 30 implantada en Seixalbo, a ubicación de novas zonas para estacionamento de bicicletas ou a promoción do uso da bicicleta.