Os nenos ourensáns de Educación Infantil e Primaria interesados en participar nas actividades de verán que ofrece a Rede de Centros Cívicos do Concello de Ourense xa poden efectuar a súa inscrición, o que poderán facer  ata o vindeiro mércores 22 de xuño., sergundo informa este luns o Concello de Ourense.
O Concello recorda que a oferta de actividades inclúe contacontos, manualidades, baile, música ou xogos, que xirarán en torno a diversos temas propostos polos Centros Cívicos, e que variarán segundo as datas escollidas.
O obxectivo pretendido pola Concellería de Benestar Social coa posta en marcha das actividades consiste no fomento da relación entre os nenos, que desfrutarán realizando actividades lúdicas e formativas á vez que descubren as instalacións dos propios Centros Cívicos.
Os cursos terán lugar de luns a venres entre as 10:30 h e as 13 h., e os seus contidos divídense en catro períodos (4-15 xullo, 18-29 xullo, 1-12 agosto e 16-26 agosto), nos que se afondará sobre diversos temas:

Centro Cívico A Ponte (Eulogio Gómez Franqueira) e Centro Cívico Casco Vello (rúa Colón):

• 4 a 15 de xuño: Medios de transporte
• 18 a 29 de xuño: Intercultural
• 1 a 12 de agosto: Educación vial e vida na cidade
• 16 a 26 de agosto: Medios de comunicación

Centro Cívico As Termas (Praza 200) e A Cuña:

• 4 a 15 de xuño: Animais
• 18 a 29 de xuño: Mundos de fantasía
• 1 a 12 de agosto: Medioambiente
• 16 a 26 de agosto: Vivencia de valores: amistade, tolerancia ou igualdade.

As persoas interesadas poden realizar a súa inscrición nos propios Centros Cívicos.