Porque non hai máis crise cá das ideas e o mundo é dos “valentes, que ensinan os dentes”, Marful apostou neste 2012 por unha xira chea de beleza e cariño que está chegando á súa fin. Un percorrido polos lugares máis singulares da xeografía galega. Unha proposta de achegamento ao público do país porque “Sempre hai público para unha boa música. Sempre hai corazón para un bo sentimento”.
Así se expresa a Fundación Vicente Risco ao presentar a chegada a Allariz o venres, 30 deste mes, da "Penúltima parada da Xira Surreal de Marful". Será a partires das 12 da noite.

Explica a Fundación que "namorados do patrimonio civil e da arquitectura, como o mostran nos seus discos, deciden e elixen os lugares donde atoparse en cadeas persoais singulares, espazos únicos e momentos exclusivos".
A Fundación Vicente Risco lembra que a "Xira Surreal de Marful" xa pasou polo Mosteiro de Carboeiro, pola primeira fábrica de conservas da Illa de Arousa, polo Castelo de Sobroso, pola Casa dos Poetas, o Museo do Mar de Galicia e a Fábrica de Sargadelos.
En cada espazo ofreceou o mellor de sí, e de acompañamento os mellores produtores e produtos gastronómicos de cada zona, "arredor dos que se atoparon artistas e público".