A editorial ourensá Auria Editorial ven de publicar a obra do investigador Fernando Román Alonso que leva por título "Ética e estética de Arturo Noguerol Buján", e que se presenta públicamente ás 20:00 Hs. deste martes, 31 de xaneiro, do Cultural da capital ourensá.
O traballo que agora ve a luz é o resultado de varios anos de estudo, investigación e a procura de documentación por parte de Fernando Román.

O autor sinala que Noguerol Buján "é un persoaxe de traxectoria vital e personalidade poliédrica", nado na modernista Rúa de Alba, como se chamaba por entón a que logo foi Cardenal Quiroga e agora é Alejandro Outeiriño.
"A Noguerol tocoulle nacer e formarse nunha Auriabella que bulía a cultura que manaba de persoaxes como o crego, polígrafo e catedrático Marcelo Macías, Benito Fernández Alonso, Arturo Vázquez Núñez, o xeógrafo e catedrático, que formaban todos eles parte de Comisión Provincial de Monumentos e o seu Boletín, e que tiñan a súa sede no Instituto do Posío", sinala Fernando Román.

Aínda que era uns anos máis novo que eles, Fernando Román destaca que Arturo Nogueros formou parte de aquel cenáculo de Ourense, onde estaban Otero Pedrayo, Vicente Risco e Florentino López Cuevillas.
"Coa súa sensibilidad, intelixenza, inquedanza cultural e literaria, lograron que a eclosión cultural ourensá que eles artellaron na segunda decena do Século XX manara en diversos proxectos", asegura o autor de "Ética e estética de Arturo Noguerol Buján".