A tenente de alcalde e concelleira de Cultura e Turismo, Isabel Pérez, convida en nome do Concello de Ourense aos veciños e veciñas da cidade a celebrar "a nosa festa grande", como a definíu Isabel Pérez, o San Martiño.
As actividades son este venres, día 11 de novembro, San Martín de Tours, patrón da cidade, e este ano se trasladarán á Praza Maior nun intento da Concellería de Cultura de recuperar esta tradición para a zona máis Histórica da cidade.

A Concelleira de Cultura e Turismo, explicou este pasado martes o programa que comezará ás 13.00 horas ca actuación da Banda Municipal de Música de Ourense. Posteriormente, ás 17.00 h será o magosto popular, e tamén haberá obradoiros infantís, animación musical a cargo da AOFT – Gomes Mouro e Os Carunchos. Ás 19.00 h comezará a actuación dos regueifeiros.
Durante todo este tempo as castañas tomarán a Praza, e serán repartidas para que todas as persoas podan degustar o seu sabor. Isabel Pérez destaca “a participación ourensana en tódalas actividades que compoñen o programa”.

Ao mesmo tempo que o reparto de castañas, Isabel Pérez explicou que tamén haberá reparto de pan con chourizos e viño. As castañas serán gratuítas, e repartiranse aproximadamente uns 1.100 kilos entre os asistentes. O pan con chourizo e o viño será distribuido pola asociación Aspanas, que colabora na organización do evento, e terá un prezo simbólico de 1,5 €. Dentro deste prezo está incluída a cunca de viño, ca cal serán agasallados os asistentes como recordo da festa.
A colaboración coa asociación Aspanas, que é unha entidade declarada de interese público, forma parte do carácter que se lle quere inserir a festa, xa que se aposta firmemente pola implicación do tecido asociativo da cidade.  

A concelleira de Cultura e Turismo, Isabel Pérez, animou a tódalas persoas a que participen nos magostos que estes días terán lugar, nos diferentes barrios da cidade, dende a zona histórica ata os arredores. E pedíu tamén ser respetuosos co medio ambiente e moderados nas tradicionais tamén inxestas do viño novo que tamén dende sempre caracterizou a esta festa netamente ourensá.
O máis seguro é que chova, pero nin esto é novidosno no San Martiño nin ten por que botar para atrás a hora de disfrutar da tradición, sinalou Pérez.