Rematou co mes de xullo o Primeiro Campus Deportivo do Concello de Xinzo, que, segundo os organizadores, contou nesta primeira edición coa participación de máis de 140 rapaces e rapazas.
Este Campus compaxinou os deportes de fútbol, baloncesto e atletismo, ademais de xogos deportivos, sendeirismo e piscina.
Tamén os participantes puideron disfrutar de dúas excursións, unha ao Parque Acuático de Cerceda, na Coruña, e outra ao Parque de Atraccións Magikland, en Portugal.

A Concellería de Deportes e Educación do Concello de Xinzo de Limia móstrase moi satisfeita polo desenvolvemento e o nivel de participación e interese neste Primeiro Campus Deportivo, e agradece especialmente a colaboración dos clubes deportivos do Antela, F.C., A.B. Xinzo e Limiactiva, así como a Asociación de Sendeirismo Sedalimia, "que coa axuda de varios dos seus monitores fixeron todos eles posible realizar esta actividade con enorme éxito", sinala esta Concellería.