"A súa terceira visita en menos de dous meses, e a Denominación de Orixe Ribeiro segue sen contrato homologado dende 2010. A mesma conselleira que non participa nas xuntanzas da mesa do viño segue vindo sacar fotos á comarca e a pintar unha situación irreal".
Así se expresa o voceiro do BNG no Concello de Ribadavia, Anxo Collarte, no día despois da visita da Conselleira de Medio Rural, Rosa Quintana, ao Ribeiro e a Ribadavia.

Collarte lembra que "os prezos da uva seguen á baixa, e as aparicións da conselleira do Medio Rural seguen a ser co gallo da inauguracións de festas, túneles do viño e entregas de premios".
"Tanto costa aos gobernantes do PP falar coa xente do viño?", se plantexa o voceiro do BNG, que se pregunta tamén si a conselleira do Medio Rural coñecerá realmente dos problemas agrarios dos galegos.

Anxo Collarte lembra que, a iniciativa do BNG, concellos do Ribeiro como Ribadavia e Castrelo de Miño solicitaron contratos homologamos, o mesmo que veñen facendo "de xeito reiterado" importantes adegas e organizacións agrarias, e non por iso o Goberno do PP na Xunta de Galicia acaba de asumir estes plantexamentos.
Collarte sinala que "a nosa comarca precisa o impulso do contrato homologado na D.O. Ribeiro, e menos enganos aos viticultores e ás adegas do Ribeiro".
Lembra que a Xunta dispón dos intrumentos para favorecer a sinatura dos contratos homologados, como son outorgar créditos ás adegas para adiantar o pagamento da uva aos viticultores, e ofrecer melloras no reparto de subvencións a esas adegas que asinen contratos homologados.
Pero sen documento, nada isto se chega a facer.