A Xunta de Goberno Local do Concello de Ourense, a proposta da Concellería de Benestar Social, aprobou a sinatura de 24 convenios de colaboración con outras tantas asociacións do ámbito da saúde e do benestar social que desenvolven a súa actividade en Ourense. Deste xeito, "o Concello refrenda o seu apoio ao labor fundamental que estas asociacións desenvolven na cidade, a través das actividades que realizan ao longo do ano e os servizos que prestan aos seus asociados e á sociedade ourensá en xeral", sinálase ao respecto.

Os acordos aprobados este xoves dan continuidade a 22 convenios xa asinados o ano pasado, e se incorporan 2 novas entidades, que por primeira vez asinarán un convenio específico de colaboración do Concello: a Asociación de Persoas con Discapacidade de Ourense (ADO) e Asociación de Esclerose múltiple, AODEM.

Os 24 convenios aprobados suporán unha achega total de 256.976 euros por parte do Concello a estas asociacións. Son, concretamente:

- Asociación Provincial de Amas de Casa e Consumo Familiar Montealegre,
- Asociación de Axuda á Parálise Xerebral Infantil-ASPACE
- Asociación Local de Pensionistas e Xubilados SPES
- Asociación ASPANAS
- Asociación Ourensá de afectados de Síndrome de Fatiga Crónica, Fibromialxia, Artrite e Artrose (ASOUFFA)
- Asociación de Persoas Xordas de Ourense
- Asociación Cultural Galega de Formación Permanente de Adultos
- Asociación Diabética Auria
- Asociación Española contra o Cancro de Ourense
- Asociación Aixiña
- Asociación Ourensá de Hemofilia
- Asemblea Provincial de Cruz Vermella
- Asociación Galicia Terra de Acollida
- Federación Provincial de Discapacitados Físicos de Ourense (DISCAFIS)
- Asociación de Familiares de Enfermos de Alzheimer e outras demencias
- Asociación de Familias e Enfermos Mentais MOREA
- Asociación de Fibromialxia e Síndrome de Fatiga Crónica de Ourense AFFOU
- Asociación Cadabullo
- Residencia San Xosé
- Cáritas Diocesana
- Asociación de Loita contra as enfermedades renais de Ourense ALCER
- Asociación de Persoas con Discapacidade de Ourense (ADO) ADO
- Asociación de Esclerose Múltiple, AODEM.

Xunto a estas asociacións aprobouse tamén o convenio de colaboración do Concello de Ourense coa asociación protectora de animais de Ourense, PROGAPE; entidade que xestiona o albergue de animais do Concello de Ourense, por un importe de 52.440 euros.
A maiores dos convenios aprobados en Xunta de Goberno deste xoves, o Concello tamén dará apoio a través de convenios de colaboración a outras entidades do ámbito da saúde, como Atox, Abeiro, Proxecto Home e Comité Cidadán Anti SIDA de Ourense, que se asinarán nos vindeiros días.