O veterano investigador ourensán Elixio Rivas Quintas presentou este mércores na Deputación de Ourense un amplo traballo no que recolle o léxico rural vencellado á videira e o viño no noroeste hispánico ou como a él lle gusta chamar, na antiga Gallaecia, collendo o oeste asturiano, o Bierzo, a serra de La Cabrera e o norte de Portugal.
Rivas defendeu a importancia de documentar este léxico porque hai un patrimonio “que non necesariamente ten que ser material e que debemos coñecer e coidar, porque os nomes que lle damos ás cousas veñen de hai moitos anos e os rapaces novos deben saber que eso é así e que non pensen que saen da nada”.

Este libro, de 300 páxinas, forma parte dunha ampla colección de 24 publicacións sobre temas históricos e de patrimonio tanto material como inmaterial de Galicia realizados por este autor.
O Presidente da Deputación, José Luis Baltar Pumar, loubou a figura intelectual de Elixio Rivas e o seu compromiso coa defensa dos valores tradicionais de Galicia e da nosa cultura. Tamén asumíu a proposta realizada na presentación de que se difunda públicamente a producción bibliográfica do autor.