A Tenente Alcalde e Concelleira de Cultura de Ourense, Isabel Pérez, e o director de Obra Social de NovaCaixaGalicia, asinaron este mércores o convenio de colaboración no que se recollen os espectáculos e actividades que acollerá o Auditorio Municipal nos vindeiros meses.
O catálogo para esta nova tempada de outono aunará as artes escénicas e musicais con dúas exposicións fotográficas, incorporando ademais un capítulo especial adicado á programación infantil.
Así, entre os meses de setembro e decembro visitarán a cidade o Ballet Nacional de Cuba, o espectáculo The Late Show's Gospel Choir ou a soprano Ángeles Blancas, entre outros.

No acto de sinatura do convenio, a concelleira nacionalista Isabel Pérez insistiu na necesidade de manter ofertas culturais de calidade ao alcance do público malia as conxunturas económicas que atravesa hoxe a sociedade. Neste sentido, referiuse ao poeta  Federico García Lorca, recitando  os versos “Eu, se tivera fame e estivera desvalido na rúa non pediría un pan, senón medio pan e un libro. Eu ataco desde aquí aos  que solamente falan de reinvindicacións económicas sen nomear xamais as reinvidicacións culturais, que é o que os pobos piden a berros”.
Deste xeito defendeu Isabel Pérez o compromiso do Concello de Ourense, a través da Concellería de Cultura, de seguir ofertando iniciativas de calidade en tempos de austeridade  e celebrou así mesmo a  pluralidade da programación proposta para os vindeiros meses.
“O Auditorio manténse así como centro da actividade cultural e expositiva da cidade, cumplindo co seu rol cos ourensáns”, remarcou a concelleira de Cultura.

Ademais da oferta expositiva e formativa que a Obra Social da caixa desenvolverá en diferentes espazos, presentaronse as actividades que terán o Auditorio Municipal como escenario.
A primeira delas está programada para o 28 de outubro, un concerto ofrecido pola soprano Ángeles Blancas cun repertorio de canciñóns e romanzas de zarzuela.
A programación musical continuará o 12 de decembro coa espectáculo The Late Show's Gospel Choir, considerado como un dos mellores coros a capella dos Estados Unidos de América.

Os amantes da danza terán a oportunidade de desfrutar, o 17 de novembro,  coa posta en escena de La Cenicienta, de Johann Straus,  a cargo do Ballet Nacional de Cuba baixo dirección de Alicia Alonso.
O mellor teatro chegará así mesmo cunha montaxe de Trasgo Producciones sobre un texto de Woody Allen Tócala otra vez Sam, protagonizada por  María Barranco e Luis Merlo. O espectáculo está programado para o 29 de novembro.

Así mesmo, os máis cativos contarán tamén cunha programación dirixida a eles. Dúas obras de teatro, Robin Hood e Pinocho y medio, desenvolveránse no Auditorio ao longo de novembro e decembro.
As entradas para todos os espectáculos estarán a venda a partir do 22 de setembro.