O alcalde de Ourense, Francisco Rodríguez, recibiu este martes no Salón de Penos do Concello aos 20 voluntarios que participarán no campo de traballo social nesta primeira quincena de agosto que se desnvolve nesta cidade.  Os mozos e mozas proveñen de toda España e tamén dende Arxentina, e as súas idades oscilan entre os 18 e os 24 anos.
Neste proxecto participa a concellería de Benestar Social do Concello de Ourense, a Dirección Xeral de Xuventude da Xunta de Galicia e a empresa Lúcete Lecer.

Mediante esta iniciativa pretendese fomentar a participación dos mozos e mozas nas actividades de servizo á comunidade mediante diversas técnicas, así como a expresión da solidariedade a través do deseño e a planificación e a posta en marcha das actividades de lecer no se a destas entidades sen ánimo de lucro.
O obxectivo é coñecer o modo de traballo destas asociacións para intervir a través da animación sociocultural como recurso dun aproveitamento racional do lecer e do tempo libre.

Esta iniciativa contempla máis aspectos que os propios do campo de traballo social, xa que os mozos e mozas terán a oportunidade de coñecer a provincia de Ourense e Galicia. Os voluntarios poderán mergullarse na cultura ourensá cunha serie de visitas organizadas. O programa inclúe visitas á Ourense, Santiago de Compostela, Baixa Limia, Serra do Xurés, Allariz e O Carballiño. Poderán ver tamén o Centro de Interpretación da natureza, actividades ó aire libre e xogos populares.
Haberá na cidade unha visita ás Termas de Outariz, do Muíño e da Chavasqueira, obradoiros de linguaxe de signos, bailes tradicionais ou ciclo de curtas, entre outras actividades.