O Delegado Territorial da Xunta de Galicia en Ourense, Rogelio Martínez, inaugurou este martes o Campo de Traballo que se desenvolverá dende este 2 de agosto ata o próximo 16 nesta cidade.
A Consellería de Traballo e Benestar, a través da Dirección Xeral de Xuventude, ofertou prazas en campos de traballo con distintas actividades que se desenvolverán en en toda Galicia. "Son actividades encamiñadas a favorecer e fomentar a convivencia, a participación, a tolerancia e a solidariedade entre a mocidade e o seu contorno, a través da colaboración desinteresada e voluntaria en traballos diversos que se levan a cabo en todas as comunidades autónomas e en distintos países", sinala a delegación Territorial da Xunta en Ourense.

Trátase de actividades culturais e etnográficas, de construcción e restauración, sociais e de carácter arqueolóxico.
No caso do Campo de Ourense, de modalidade social, os voluntarios son mozas e mozas con idades comprendidas entre os 18 e os 24 anos. O campo de traballo de Ourense é de ámbito nacional, aínda que participan nel rapaces de Sudamérica que veñen a través da Secretaría Xeral de Emigración. Hai apuntados 20 rapaces, 6 deles galegos e dos que 4 son da provincia da Coruña, 2 de Andalujcía, 2 de Cantabria, 2 de Cataluña, 2 do País Vasco e un de Navarra, ademais dos 5 de Sudamérica, concretamente da Arxentina.
Esta actividade ten lugar na Residencia Florentino Cuevillas desta cidade.