Preto de 46 mozos galegos da emigración solicitaron este ano ás axudas que a Secretaría Xeral da Emigración en colaboración coa Secretaría Xeral de Universidades da Consellería de Educación e Ordenación Universitaria ofrece aos cidadáns galegos residentes no exterior para a realización de estudos universitarios oficiais, intercambios universitarios e estudos de Formación Profesional a realizar na comunidade autónoma de Galicia durante o curso académico 2010-2011.

Estes estudos realizaranse a través de catro programas distintos.
O primeiro deles fai referencia ás bolsas de estudos universitarios de carácter oficial e con validez en todo o territorio estatal conducentes á obtención dos títulos de grao, licenciado, enxeñeiro, arquitecto, diplomado, mestre enxeñeiro técnico ou arquitecto técnico.
O segundo programa recolle as bolsas para a realización de estudos de ensinanzas universitarias en calquera das tres universidades galegas destinadas á obter o título de máster universitario.
O terceiro dos programas inclúe as bolsas destinadas ao intercambio con calquera das universidades galegas que teñan asinados convenios coas universidades extracomunitarias.
Por último, no cuarto programa inclúense as axudas para a realización de estudos de Formación Profesional de Grao Superior en centros públicos e privados da Comunidade que teñan ensinanzas concertadas.

Para o desenvolvemento deste programa que facilita aos galegos da emigración a realización de estudos na Comunidade Autónoma, a Xunta destina unha partida de 390.000 euros.