O Concello de Ourense di ter todo a punto para celebrar este domingo, día 5, a tradicional Festa dos Maios, unha celebración "típicamente ourensá" que dende o ano 2001 ten o recoñecemento de Festa de Galicia de Interese Turístico.
O Concello lembra que "os Maios corresponden a unha destacada parada dentro do Ciclo Festivo desta cidade".

Pechado o prazo de inscrición para participar nos Maios de 2013, hai apuntados un total de 32, que son 10 máis que o pasado ano, segundo ven de sinalar a Concellería de Cultura do Concello de Ourense.
A Festa dispón este ano dun orzamento de 3.000 euros adicados ao pagamento doas actuacións, máis 11.000 que se destinan a premios nas distintas categorías que ten o concurso.
Para a categoría de Enxebres hai inscritos 17 maios, 9 na de Artísticos e 6 na de Creativos.
A maiores haberá un obradoiro de realización dun Maio artístico do Concello que se fará nos Xardíns do Padre Feijóo.

O Programa da Festa que facilita a Concellería de Cultura e o seguinte:

- 11.00 Chegada dos Maios Lamas Carvajal – Rúa do Paseo

- 12.00 Animación musical “ Gomes Mouro”

- 12.00 Comezo do canto das coplas ao pé dos Maios

- 12.00 a 14.00 Obradoiro: elaboración do Maio tradicional conxunto nos Xardíns do Padre Feijóo

- 12.00 Concerto da Banda Municipal de Música de Ourense na Praza Maior

- 17.30 Animación musical Gomes Mouro nos Xardíns do Padre Feijóo

De seguido, entrega de premios do Concurso de Maios e Coplas 2013

Ao longo de todo o día, nos Xardíns de Padre Feijóo instalarase a 6ª Exposición fotográfica Maios na Memoria