A Xunta de Galicia ven de anunciar que en este ano, 2013, aprobará unha contía de máis de 1,5 millóns de euros para a Tecnópole ourensán, o Parque Tecnolóxico de Galicia ubicado en San Cibrao das Viñas. Así o sinalou o novo titular de Industria da Xunta, Francisco Conde, na que foi a súa primeira visita ao recinto tecnolóxico.
O no conselleiro de Economía e Industria estivo acompañado na súa visita polo presidente da Deputación de Ourense, Manuel Baltar, quen cualificou o anuncio de "moi positivo" e de "aposta firme" da Xunta de Galicia pola Tecnópole galega en Ourense.

Tamén o conselleiro cualificou o investimento de "aposta mi significativa". Segundo Francisco Conde, un investimento destas características "marca unha prioridade de Xunta de Galicia e desta Consellería por Ourense, por este Parque Tecnolóxico, polo emprendemos e pola I+D".
Nesta primeira visita do conselleiro, Francisco Conde loubou tamén a colaboración que está a producirse entre os diferentes estamentos públicos e privados, para que o proxecto e as iniciativas do Parque Tecnolóxico sigan adiante no eido da innovación e da transferencia e do desenvolvemento tecnolóxico.