O concelleiro de Deportes do Concello de Ourense, Fernando Varela, e os organizadores da actividade, Willie Ladson e Toni López, presentaron este mércores nas instalacións do Consello Municipal de Deportes, o I Intercity de baloncesto de rúa 3x3, que terá lugar nas instalacións do Pavillón de Os Remedios os vindeiros días 16 e 17 de xuño.

Tal e como explicou Willie Ladson, que leva traballando desde fai tempo no programa deste campionato, "non só se trata dun evento deportivo, senón que se busca tamén o fomento da cultura de rúa, propia deste deporte". Polo que haberá música, entretenemento, exhibicións de baile, e outras actividades, e que será "un moi bó complemento para os días previos das festas de Ourense".
Toni López, subliñou que "o evento sirve tamén para recordar que non só existe o fútbol", ao tempo que agradeceu á concellaría de Deportes a implicación para levar adiante este I torneo.

O concelleiro de Deportes, Fernando Varela, agradeceu públicamente o traballo das persoas que compoñen o Consello Municipal de Deportes, que fan posible que se leven adiante estas actividades, e anunciou que "esta é unha das moitas actividades deportivas que haberá ao longo do mes de xuño, e que se presentarán nos primeiros días".