Este fin de semana entrou en funcionamento o Centro de Transformación de Biomasa de Trasmiras, centro pioneiro en Galicia polas súas avanzadas características de procesado e tratamento da materia prima procedente da xestión forestal dos montes. A planta de biomasa de Trasmiras, coma que só existen dúas máis na Península Ibérica, unha delas en Portugal, conta cunha superficie de almacenaxe, báscula de pesaxe, oficinas, rede contra incendios, pala cargadora e criba, todo elo nunha nave industrial de 1.500 m2, e ten como característica singular o feito de estar dotada da última tecnoloxía para a produción de astillas de diferentes calidades, produtos finais que van dirixidos á industria e ao uso doméstico.

O presidente da Deputación de Ourense, Manuel Baltar, que acudíu a posta en marcha desta planta acompañado do alcalde de Tramiras, Emilio Pazos Ojea, dixo que a Deputación de Ourense "é consciente dos problemas existentes cos incendios forestais dos últimos anos, e por elo decidiu apostar pola tecnoloxía aplicada ás enerxías renovables para xestionar o residuo de biomasa forestal e contribuír coa limpeza dos montes e cunetas de estradas como medida preventiva contra o lume".
Baltar considera que a implantación e funcionamento de centros de biomasa como o que hoxe se inaugura "supoñen unha aposta segura para o futuro medioambiental da nosa provincia, tanto no que atinxe á aplicación de políticas sostibles como á necesidade de crear un novo mercado na provincia que xire en torno ao sector das enerxías renovables, porque economía, medio ambiente e sostenibilidade teñen que convivir perfectamente", sinalu o titular da Deputación ourensá.

Coa finalidade de ampliar este proxecto, o Servizo de Auga e Medio Ambiente da Deputación de Ourense puxo en marcha una iniciativa para crear unha rede de centros de procesamento biomasa estratexicamente distribuídos na provincia de Ourense, co fin de que a biomasa residual existente nas montañas e nas marxes da rede de estrada provincial, puidese ser administrada como residuos e ser utilizada como materia prima para un sector industrial que proporciona numerosas vantaxes.
A Unión Europea viu con bos ollos este proxecto sostible proposto pola Deputación de Ourense e aprobou a  axuda financeira necesaria para realizar.
O financiamento do proxecto tivo un investimento total de 1.896.000 euros, dos que o 70% foron aportados a través dos fondos FEDER e o restante 30%, por parte da Deputación de Ourense. Asemade, hai tamén unha achega de capital privado, que ascende a 1.357.810 euros, por parte da UTE Foresga, encargada da construción, explotación e mantemento dos centros de biomasa.
En canto á produción, a empresa estima unha produción anual de 100.000 toneladas de residuo forestal tratado.

O funcionamento das plantas de transformación de biomasa consiste en centros de recollida e almacenamento de materia prima forestal para o seu tratamento e transformación en astilla, coas cualidades necesarias para o seu posterior uso en instalacións de xeración de enerxía térmica ou eléctrica.
Estes centros están situados estratexicamente nos municipios de Arnoia, Trasmiras e A Gudiña, e os criterios para a determinación destes emprazamentos son a proximidade con áreas de maior densidade de biomasa e silvicultura, a proximidade dos fluxo de madeira (serrarias, fábricas de pellet e fábricas de mobles), e a proximidade de vías rápidas de transporte por estrada, especialmente a A-52.