Remata a montaxe coa que a Concellería de Termalismo e Tenencia de alcaldía pretenderon animar as estadías no Muiño da Veiga durante este verán. A compañía Sarabela remata a súa posta en escea de "O asombro da auga" este vindeiro domingo, día 7.

Malia que o remate das actuacións estaba prevista para o sábado 6, sinala Tenencia de alcaldía,  prorrogarase un día máis para que tódolos ourensáns e visitantes poidan desfrutar desta mostra de teatro da rúa. Trátase dunha historia de época que recupera elementos do Ourense termal máis tradicional. O día 7 "barqueiros, lavandeiras e turistas que veñen tomar as augas despediránse dun público que lles acompañou ao longo de todo o mes de agosto".