“Hoxe Ourense e o teatro están de noraboa”. Con esta afirmación a Concelleira de Cultura, Isabel Pérez, convidaba  hoxe a ourensáns e visitantes a desfrutar d’O asombro da auga, a última proposta da compañía Sarabela.  O espectáculo presentouse esta mañá nas pozas de Muiño da Veiga, na marxe do río Miño, coa presenza de lavandeiras e bañistas interpretados polo elenco de actores.  A peza é a actividade estrela do Verán Máxico organizado desde a Tenencia de Alcaldía, o que será evento escénico da tempada nesta cidade e co que este organismo pretende animar a cidadáns e turistas a gozar da riqueza termal de Ourense dun xeito diferente. 
Este O asombro da auga  traslada aos espectadores ao Ourense decimonónico, no quediverxos personaxes como as lavandeiras ou os pescadores desenvolvían a súa actividade á beira do Miño e bañistas de todas partes chegaban á cidade para tomar as augas. Sarabela recolle este ambente a través dun grupo de visitantes liderados por unha figura histórica: Jimena Fernández de la Vega, muller natural do Lugo e experta en termalismo  que foi unha das primeiras licenciadas en Medicina.
 
O asombro da auga representárase ao longo dos  venres e sábado de agosto e a primeira semana de setembro, a partir das 20.30 da tarde.
A esa hora, o tren turístico sairá da Praza Maior para recoller aos espectadores que desexen gozar do espectáculo, e , acompañados sempre polos propios bañistas “á busca das augas”,   levaraos ata as pozas do Muíño da Veiga, onde se desenvolverá a acción.
Tanto a entrada como o transporte serán de balde e a estrea será este mesmo venres, día 1.