Este sábado, 8 de xuño, o Concello de Ourense da comezo a tempada estival de baño na cidade coa apertura das piscinas municipais de Oira.
Tamén desde este sábado, abre a piscina municipal exterior do Pavillón dos Remedios, con entrada gratuita para aboados e a 3 euros para o público en xeral.

No caso das piscinas municipais de Oira, o horario de apertura vai das 11 da mañá ás 9 da tarde, ininterrumpidamente, de luns a domingo. Aquí o acceso será de balde, e está previsto que a apertura dos dous vasos destas piscinas se prolongue ata o mes de setembro, mes no que o seu peche dependerá da meteoroloxía e o que verán se prolongue.
Co mesmo horario ao baño funcionará a piscina exterior do Pavillón de Os Remedios, aínda que só de luns a sábado.

As piscinas de Oira contará cos servizos axeitados de Protección Civil adscritos ao Plan de Salvamento de Praias, así como con persoal do Consello Municipal de Deportes.
A apertura destas piscinas chega unha fin de semana despois das do Parque Tecnolóxico que rixe a Deputación de Ourense, e que nos últimos anos sempre son nas que primeiro abre a tempada de baño na provincia de Ourense.

Monterrei abre tamén o sábado e mantén os prezos de 2011

Xa que as de Monterrei, que rixe a Xunta de Galicia no enclave do mesmo nome do concello limítrofe coa cidade de Pereiro de Aguiar, tamén abrirán ao baño este sábado.
Así o anunciaron os responsables deste recinto, Mario Guede como xefe do Servizo de Deportes, e Rogelio Martínez, delegado territorial da Xunta.

Ao igual que o pasado ano, as tarifas serás as mesmas que as do verán de 2011, polo que contabilizan o segundo ano sen variar: 1,20 euros para os cativos, e 2,20 euros para ao resto a partires dos 18 anos.
Rogelio Martínez sinalou que estas instalacións contabilizaron o pasado ano máis de 58.000 usuarios.
De cara a esta campaña, o delegado da Xunta deu conta de que se levaron a cabo pequenas actuacións para mellorar estas instalaciones, como foron o resementado do céspede na zona do solario ou o acondicionamento dos vestiarios de información.

As piscinas de Monterrei abrirán durante todo o verán ata novo aviso de 12 do mediodía a 9 da tarde, mentras que o resto das instalacións abrirán ás 8 da mañás e pecharán unha hora máis tarde, ás 10 da noite.

Fora da capital, a piscina de Xinzo é a que máis madruga

Fora da capital ourensá, Xinzo de Limia convértese no primeiro concello da provincia que deu tamén por aberta a tempada de baños estivales.
Ás 4 da tarde deste venres, 7 de xullo, as piscinas abriron ao público. O Concello de Xinzo destaca que é a primeira vez que as piscinas municipales se poñen en marcha na primeira semana do mes de xuño.

Tamén neste caso, o responsable de Deportes de Xinzo subliña que os prezos das entradas e os carnés para aboados manteñen os custes das pasadas campañas co correspondente incremento do IPC.
Os horarios serán de catro a oito e media da tarde de luns a venres ata o día 21 deste mes, e a partir desta data de 12 do mediodía a oito e media.
A piscina municipal é xestionada, outro ano máis, pola empresa Saudeter.