Primeiro encontro institucional do delegado territorial da Xunta en Ourense, Rogelio Martínez, co novo presidente da Confederación de Empresarios de Ourense, CEO, José Manuel Pérez Canal, dende que a finais de abril fora elexido no cargo. Pérez Canal cumprimentou este luns ao delegado da Xunta en Ourense.
Na xuntanza abordaron diversos aspectos nos que ambas institucións están implicadas e analizaron liñas de cooperación para favorecer a actividade empresarial na provincia.

Neste senso, Rogelio Martínez ofreceulle ao novo presidente da CEO diálogo e colaboración da Xunta para traballar de xeito coordinado no impulso e na recuperación da economía da provincia.
O delegado territorial lembrou ante Pérez Canal as tres liñas nas que o Executivo galego está a traballar co obxectivo de reactivar a economía: a internacionalización, a innovación e o emprendemento.

O delegado da Xunta en Ourense apelou á implicación da patronal no labor de xerar emprego e riqueza nesta provincia.