A Xunta de Goberno Local do Concello de Ourense aprobou na súa xuntanza dese xoves, o proxecto da nova Ordenanza Municipal reguladora de Actos de Natureza Urbanística, que ten coma obxectivo principal mellorar as relación entre os cidadáns, axentes sociais e a Administración Municipal respecto da obtención de licenzas e autorizacións.
A norma "facilitará a execución das obras e a implantación de actividades, dando un paso adiante respecto da normativa existente na actualidade", segundo sinalou a concelleira de Urbanismo, Áurea Soto, ao presentar ese mesmo xoves a Ordenanza ao completo.
Este proxecto, que  será elevado ao Pleno para a súa aprobación definitiva, regula de xeito concreto e conxunto o réxime aplicable aos actos urbanísticos, coma a obtención de licenzas ou autorizacións.

A nova Ordenanza conta co antecedente da aprobada no ano 2011, e tenta ser un instrumento para mellorar e axilizar os procedementos administrativos, contribuíndo a disminuir o tempo de obtención de autorizacións urbanísticas e facilitando a súa obtención, sen mermar a seguridade xurídica.
Dende o ano 2011, as novas normas en materia urbanística, medioambiental e de procedemento administrativo, levan aos técnicos municipais a considerala necesidade de redactar una Ordenanza completa que profundizase os criterios e determinacións xa regulados e por outra banda, acometer una labor de clarificación, modernización e axilización dos procedementos administrativos vencellados ás licenzas, buscando convertir os procesos de petición e obtención das mesmas en actividades rápidas, cómodas e transparentes, en consonancia ao nivel esixible dos servicios administrativos municipais.

A súa modificación inclúe novas esixencias para locais e establecementos de restauración e salas de conferencias, engadindo ao seu aillamento acústico, a mellora da calidade sonora dos espacios comúns, esixindo agora  límites á reverberación.
Esta nova esixencia contribúe a mellorar o "confort acústico" e protexer aos veciños e veciñas fronte a contaminación acústica, coa inclusión dun apartado sobre reverberacións, o seu cálculo, aplicación e entrada en vigor.