Con un prezo de 18 euros/mes, o Consello Municipal de Deportes do Concello de Ourense ven de facer público o Programa de Saúde para os meses de abril, maio e xuño deste ano, dirixido a todos aos aboados do Pavillón dos Remedios que, xa dende o 11 deste mes, poden inscribirse en calquera destas actividades.

Van dende AquaGim a Pilates pasando por exercicios para activar zonas concretas do corpo e ximnasias suaves e de acondicionamento físico para as persoas que o prefiran, así como Multideporte para a terceira idade e Tonificación Muscular.
As actividades están combinadas ao longo de toda semana de xeito que os grupos de persoas para as que se dirixen principalmente, poidan participar en máis dunha actividade.