"15 contos breves e extraordinarios" atopan espazos estes días nas salas do Centro Cultural da Deputación de Ourense. Trátase dunha exposición sen precedentes na principal das salas ourensáns, que promove "Arte Contemporáneo Fundación María José Jove".
É "unha exposición nada convencional, con un concepto innovador, que marcará tamén un punto de inflexión no que é o propio estilo das exposicións do Centro Cultural", sinalou no acto de presentación o director do Centro, Francisco González Bouzán.

Os "15 contos breves e extraordinarios", son, de feito, algo distinto na proxección plástica e creativa dos seus autores: persoas con distintos tipos de discapacidades, cuxas idades van dende os 15 aos 50 anos. Para canalizar a súa creatividade, os traballos foron supervisados por profesores que se ofreceron voluntariamente a participar neste proxecto.
Froito de tal experimento resulta unha exposición "completamente distinta", sinalaron os organizadores.
"En realidade non é unha exposición, son 15 exposicións con identidade propia cada unha, totalmente diferenciadas, o que as convirte en 15 contos extraordinarios", sinalou o vicepresidente da Deputación ourensá, Rosendo Fernández.

Nada convencional, completamente distinta e totalmente diferente doutras que a precederon e diferenciada doutros estilos que poblaron os espazos deste Centro Cultural, dende o 7 de marzo ao 28 de abril instálanse no Cultural Marcos Valcárcel desta cidade as pinturas e as esculturas de "15 contos breves e extraordinarios" da Fundación María José Jove.