"O Entroido ourensán chega ás Bibliotecas Municipais, coa realización de obradoiros para a elaboración de disfraces, decoración, contacontos, monicreques ou preparación de festas de Entroido", sinala a Concellería de Educación ao respecto das actividades que se aveciñan. Os obradoiros realizaranse no horario habitual de animación á lectura das bibliotecas, de luns a venres de 18.00h a 19.30h e os sábados de 11.00h a 13.00h, na Biblioteca da Ponte, San Francisco, Carballeira, e no Punto de Lectura do Couto.

O xoves, 7 de febreiro, dende as 18.30h ata as 19.30h, a Biblioteca de San Francisco (Pena Trevinca, s/n, explanada da Estación) acollerá unha festa para os participantes nos obradoiros, cun baile de disfraces, e o venres á mesma hora, coa participación da Animación “Carapinta”.

O venres, día 8 de febreiro, de 18.00h a 19.30h, a Biblioteca da Carballeira terá a súa propia festa cunha merenda saudable, baile e concurso de disfraces en tres categorías: ata 6 anos, de 7 a 10 anos e de 11 ata 99 anos.

Os nenos e nenas que participen nos obradoiros aprenderán a facer disfraces a partir de material reciclado, elaborar cucañas e os máis pequenos (de 4 a 10 anos) elaborarán o seu propio meco.
Lémbrase que para asistir ás actividades os nenos e nenas deben ser socios ou socias da Biblioteca á que asistan, podendo adquirir o seu carnet antes de acceder á actividade.