A Concellería de Cultura do Concello de Ourense xa ten confirmados 37 espectáculos para o cartaz do primeiro semestre do Auditorio Municipal desta cidade, segundo veñen de anunciar a titular desta Concellería, Ana Garrido, e o técnico deste departamento, Manuel Freire.

Música, teatro, artes escénicas, monólogos entre outros conforman unha "ampla oferta de actividades" que comezaron xa este mesmo domingo coa volta do teatro infantil. Os máis pequenos poderán desfrutar con aventuras pensadas para eles que o día 3 volven coa obra Dous pallasos en máis apuros, da compañía Os Sete Magníficos + 1.
Durante o mes de febreiro pasarán polo Auditorio artistas como Ismael Serrano, o pianista Alexey Chernov, ou a estrea da nova producción teatral Gaivotas Subterráneas.

Ana Garrido, explicou as liñas xerais da programación, onde subliñou "a importancia de que as actividades do Concello se complementen coas organizadas por outras institucións". Pola súa banda, Manuel Freire fixo un repaso por todas as novidades para estes meses.
Na presentación, Ana Garrido tamén deu coñecemento da nova web da concellería de Cultura, onde a partir de agora estarán todas as informacións de interese do departamento, así como a programación do Auditorio, e tamén dos demáis espazos municipais Museo Municipal e Museo Arturo Baltar.