O alcalde de Ourense, Agustín Fernández, e o concelleiro de Facenda, Emprego e Termalismo, José Ángel Vázquez Barquero, fixeron entrega este mércores dos diplomas que lles acreditan aos 48 participantes ter finalizados os cursos de Guía turístico Termal e de Coidado e mantemento das zonas termais, enmarcados no programa municipal Ourense Inserta.
36 persoas desempregadas participaron no primeiro destes cursos, cun total de formación de 90 horas no que se pretendía capacitar ao alumnado para informar aos veciños e veciñas de Ourense e turistas na interpretación do patrimonio, os bens de interese cultural e demáis recursos turísticos de xeito atractivo.

O segundo curso de Coidado e mantemento de zonas termais no que participaron 12 persoas con discapacidade e desempregadas, tiña por obxetivo capacitar aos alumnos e alumnas de cara ao coidado e mantemento das instalacións termais da cidade. Neste caso o programa formativo incluíu módulos sobre prevención de riscos laborais, matemento de zonas axardinadas e limpeza das instalacións termais, ademáis de pautas de actuación á hora de orientar e informar aos usuarios e usuarias das zonas termais da cidade.

Os 12 dos itinerarios impartidos no proxecto Ourense Inserta serán acreditados con certificados de profesionalidade grazas á subscrición dun convenio entre o Concello de Ourense e a Xunta de Galicia, a través da Consellería de Traballo e Benestar, en agosto deste ano, 2012, para que os alumnos e alumnas que participen nos cursos impartidos pola Concellería de Emprego do Concello e que finalicen o programa cunha avaliación positiva en tódolos módulos formativos, poidan acceder á expedición dun certificado académico.

Ademáis dos cursos que remataron este mércores coa entrega de diplomas, estanse a impartir os seguintes:

2 cursos de limpeza de superficies e mobiliario en edificios e locais
1 Curso de operacións básicas de cociña
1 Curso de Operacións básicas de restaurante e bar
2 Cursos de Atención sociosanitaria a persoas en domicilio
2 Cursos de Atención sociosanitaria a persoas dependentes en institucións sociais
2 Cursos de Instalación e mantemento de xardíns e zonas verdes
2 Cursos de Xestión de residuos urbanos e industriais