Novo concerto este xoves, 13 de decembro, da que xa fai a 5ª tempada do Ciclo de música de Cámara Sen Batuta. Esta vez o paraninfo do Otero Pedrayo contará coa presenza do tenor Julian Prégardien, e do pianista Nicholas Rimmer.
Ámbolos dous contan cunha longa traxectoria musical. Ao igual que en concertos anteriores, este será tamén ás 20:30 horas, precedido dunha charla-coloquio dos músicos que comezará unha hora antes, ás 19:30.

Esta quinta edición consta de nove concertos deseñados para afianzarmos a traxectoria seguida durante estes anos e estendermos o seu espectro artístico.
Voltan varios dos mellores músicos que teñen colaborado nas edicións anteriores de Sen Batuta e acoden por vez primeira outros que ampliarán os nosos horizontes sonoros. "As músicas serán moitas e diversas e os programas atrevidos, diferentes e potentes. Todo para  que o público goce dunha experiencia musical única viaxando desde as formas clásicas dos grandes mestres europeos ás vangardas máis actuais", sinalan os organizadores desta quinta tempaña do Sen Batuta.