Maceda acolle este sábado, día 27 de outubro, a Festa Gastronómica da Zorza, que acada con esta a súa VII edición e que conta coa colaboración do Concello de Maceda.
Será a partires das 8 da tarde na Praza das Toldas da vila, organizada pola Asociación Cultural e Gastronómica "Taberneiros do Pobo" que forman 20 membros, todos eles veciños de Maceda.

Nesta edición o menú estará composto de empanada de zorza, zorza, panceta, pan e viño a un prezo de 5 euros.
Ao Concello de Maceda correspondeu nesta edición por en marcha toda a infraestrutura para desenvolver esta nova edición da Festa Gastronómica da Zorza de Maceda.
O alcalde, Xabier Oviedo, valora "positivamente todo tipo de actividades que axuden a dinamizar a vila e atraian xente, que deste xeito poidan coñecer os múltiples atractivos cos que conta o concello, polo que estamos dispostos a colaborar canta iniciativa deste tipo se nos presente", sinalou o rexedor macedán.