O alcalde de Ourense, Agustín Fernandez, foi o encargdo de inaugurar a XXX edición do Outono Fotográfico, acto que tivo lugar este xoves. A programación deste ano chega ata as 114 exposicións, e sigue crecendo coa ilusión e o recoñecemento á memoria do seu grande impulsor Benito Losada.
Na presentación estiveron presentes xunto ao alcalde, representantes do resto de institucións colaboradoras co certame, para todas elas o director do Outono 2012, Xosé Lois Vázquez, tivo palabras de agradecemento por contribuir a ampliar e establecer novas marcas que amplíen o festival.

O alcalde subliñou a aportación que tivo a figura de Benito no fomento da creatividade e as mostras de expresión artística en Ourense, "creando espazos de encontro e de comunicación promocionando actividades que hoxe teñen tal transcendencia cultural como é o Outono Fotográfico, ou as Xornadas de Banda Deseñada, rematadas hai uns días", sinalou Agustín Fernández.
Quen engadiu: "Por iso Benito estará orgulloso de comprobar coma cada unha das citas que él deseñou se revalidan e fortalecen cada ano, con cada nova edición".

Froito desa herdanza, o equipo que agora traballa arredor da Fundación Benito Losada está a ampliar todas as dimensións que delimitaban este festival fotográfico de cada vez máis referencia, e que ten a Ourense como centro dinamizador. Por iso chega a novos países, logo de ter presenza en Galicia, Cataluña ou Portugal, cruza este ano o atlántico para chegar a Brasil.
Tamén ten novidades coma a Sección Oficial, na que o Festival Galego de Fotografía se convirte no anfitrión de fotógrafos e fotógrafas convidados para fixar a nosa memoria histórica.