Un estudo da Xunta reflexa que o 70% do recibo da luz dos concellos corresponde ao alumeado público
 
Por termo medio, o 70% do recibo da luz de calquera concello galego corresponde ao alumeado público. A iluminación pública representa o 53% da enerxía que ese concello consume. O Inega ven de elaborar un informe que analiza as posibilidades técnicas que existen hoxe en día para aforrar neste consumo e no recibo dos concellos galegos, e fai unha serie de recomendacións ao respecto do aforro e de elaborar tales iniciativas.
 
 
 
 
10 de SETEMBRO de 2012: OURENSE DIXITAL

A Consellería de Economía e Industria, a través do Instituto Enerxético de Galicia (Inega), ven de elaborar un exhaustivo informe que analiza tanto as posibilidades técnicas existentes no mercado para a execución dun proxecto de eficiencia enerxética na iluminación pública, como os modelos de financiamento que se formulan para dar cobertura aos concellos.
O informe analiza as distintas opcións que ofrece o mercado autonómico para levar a cabo estes proxectos, analizando a eficiencia dos distintos equipos, as empresas subministradoras e as opcións de financiamento. "Deste xeito, configúrase como unha ferramenta idónea que permite aos municipios seleccionar as medidas máis oportunas na renovación da súa iluminación exterior", sinala a propia Consellería de Economía e Industria.

Segundo datos que manexa dita Consellería, Galicia posúe máis de 32.000 núcleos de poboación en 315 concellos, dispondo a práctica totalidade deles de iluminación pública. Esta supón o 53% do consumo de enerxía total dun concello -69% do consumo de enerxía eléctrica- e representa o 70% do gasto enerxético total. "Neste contexto, o aforro de enerxía medio estimado para as instalacións de iluminación exterior ascende ao 35% do consumo, chegando a acadar valores próximos ao 60% nalgunhas tecnoloxías", sinala o informe do Inega.

A posibilidade de acometer estes proxectos de eficiencia enerxética en iluminación exterior ofrece, así, un importante aforro económico ademais de dotar aos municipios de nova tecnoloxía que vería reducidas as horas de mantemento anual necesarias, o que incrementaría o aforro para as arcas municipais.

Recomendacións xerais

Á hora de abordar calquera proxecto de eficiencia enerxética en iluminación pública exterior, o estudo considera necesario a realización dunha auditoría enerxética previa. Esta facilitará información relativa ao estado actual das instalacións obxecto do contrato, así como os niveis de iluminación requiridos para cada tipo de vial. Así mesmo, debe indicar as posibles solucións técnicas a adoptar, así como, un estudo de viabilidade económica para cada unha delas.

Ademais, e dado que a tecnoloxía en iluminación está en continuo avance con diferentes solucións tecnolóxicas que melloran as anteriores, sobre todo en canto á tecnoloxía LED se refire, é importante que nesta auditoría se aborden as diferentes opcións técnicas co fin de valorar cal é a óptima para cada emprazamento e cada nivel de luminosidade recomendado.

Sobre esta base, analízanse as distintas solucións –sistemas de acendido, lámpadas e luminarias, sistemas de regulación e de telexestión- para que os concellos conten coa suficiente información sobre a que sustentar a súa elección. En cada un destes apartados defínense os dispositivos que o mercado ofrece, detallándose as súas vantaxes e desvantaxes, e aportando recomendacións finais para cada un deles.

O informe aborda, tamén, as posibilidades de financiamento ás que poden adherirse os concellos, informando sobre os sistemas de renting para equipos de iluminación e sobre as posibilidades que poden ofertar as Empresas de Servizos Enerxéticos (ESE).

 
Volver atras
Imprimir Página
 
 
 © Copyright OURENSE DIXITAL
 
 
     
   
     
 
 
     
 
 
 
 
 
GALICIA, ÚLTIMA HORA
 
 
 
HACE HOY UN AÑO 10, SÁBADO
 
La anulación del PXOM de 2003 dejará al Concello sin un millón de euros cada año que Ourense esté sin Plan
El PP recobra el escenario de Centristas, Os Milagres, para la Convención de sus Cargos Públicos
Juan Carlos Francisco se convierte en el nuevo secretario Xeral del PSdeG-PSOE de Verín
Restos de materia orgánica han empezado a llegar a la cola del Embalse de Cachamuiña
Laura Seara subrayó el valor de la Memoria “como instrumento de unión y aprendizaje colectivos”