O Museo da Limia acolle ata o 13 deste mes de maio, os 193 traballos dos alumnos dos 12 centros educativos desta comarca que participaron no Concurso de Creación Literaria e no Concurso de Creación Plástica, convocado no 10 aniversario do pasamento de Carlos Casares polo Centro de Cultura Popular da Limia, o Mueso da Limia e a Fundación Carlos Casares.
Os 193 traballos corresponden ás 7 modalidades que presentaba a convocatoria dos premios en 4 categorías.

A exposición viaxará de seguido do Museo da Limia en Vilar de Santos, á Casa da Cultura de Xinzo, onde permaencerá do 17 de maio até o 16 de xuño.
As bases do concurso establecía catro categorías en función dos diferentes niveis educativos, con 7 premios consistentes en lotes de libros, un diploma de recoñecemento e a publicación dos mellores traballos na revista Lhetes que edita o Centro de Cultura Popular do Limia, así como as exposicións sinaladas.
Tódolos estudantes poideron participar no certamen a título individual ou en grupo, con traballos de creación literaria ou plástica sobre a vida e a obra de Carlos Casares.