Do 25 ao 30 de decembro Ourense acolle unha nova edición da Mostra de Ourense de Teatro Infantil, a MOTI 2011. A xa clásica cita de teatro infantil da cidade vén sumarse un ano máis á programación cultural de Nadal e leva a paixón polas táboas e os monicreques aos máis cativos da casa.
A MOTI é unha iniciativa desenvolta por Sarabela Teatro en colaboración coa Concellaría de Cultura e conta, ademais, co patrocinio do Teatro Principal, a Vicerreitoría do Campus de Ourense e a Xunta de Galiza a través de AGADIC (Axencia Galega de Industrias Culturais). Este martes presentouse a a programación desta edición nun acto no que a edil de Cultura, a Tenente Alcalde Isabel Pérez convidaba a todos “os pequenos espectadores” a desfrutar desta mostra “especialmente deseñada para eles”, sinalou Isabel Pérez.

Destacouse a calidade e pluralidadeda proposta a pesar “doaxustado do plantel e orzamento” que este ano ascendeu aos 60.000 euros.
A responsábel de Cultura, Isabel Pérez, quixo salientar “a aposta que un ano máis realiza a MOTI por chegar ao todo o público infantil”, incluíndo na súa programación propostas especialmente dirixidas aos bebés. Pérez declarou que a MOTI “é unha cita xa imprescindible dentro da programación de Nadal” e amosou a súa satisfacción polo continuo compromiso de Ourense coa cultura e, en especial o teatro: “A MOTI ven completar esa Teatrauria que ao longo de todo o ano fai de Ourense a capital galega do teatro a través dos diversos festivais”.

A VIII MOTI trae a Ourense 16 montaxes que se sucederán en diferentes espazos da cidade do 25 ao 30 de decembro. Como preludio, esta mañá anunciouse que xa desde o día 15 a compañía Trécola Teatro esta a visitar diferentes colexios e garderías de Ourense para convidar aos rapaces á MOTI, cun avance da exhibición teatral que entre os dí s 23 e 29 tomará as rúas do centro da cidade.
A inauguración do festival esta marcada para o domingo 25 e contará tamén con teatro de rúa a cargo de Trécola, coa montaxe Aniñamos na MOTI.
Desde o 25 até o 30 sucederánse as funcións no Teatro Principal e Auditorio (entrada 4€) así como no multiusos do Campus (2€).
A MOTI tamén repite este ano a súa aposta solidaria coa infancia. A recadación do Auditorio os días 28 e 29 e a do Campus os días 26,29 e 30 irá parar a UNICEF.