O Concello de Ourense, a través da Concellería de Benestar Social, inicia o programa de actividades de Nadal no Centro Cívico de Colón, no cal os nenos de Educación Infantil e Primaria poderán participar en obradoiros con temática navideña dende o día 27 de decembro ó 5 de xaneiro.
Con esta iniciativa, o Concello di que pretende axudar ós pais e nais traballadoras no marco do programa de fomento da conciliación da vida laboral e familiar, nestas datas nas que os nenos non se atopan en período lectivo.

Todos aqueles interesados poden inscribirse nesta actividade no propio Centro Cívico (Rúa Colón, 18) dende este mesmo sábado, día 10, ó 17 de decembro. As actividades serán en horario de mañá de 11.00h a 13.00h e nelas levaranse a cabo sesións de contacontos, manualidades, xogos, bailes e outras actividades lúdicas de Nadal.

Nos demáis Centros Cívicos da cidade (A Ponte, As Termas, A Cuña e Ceboliño) permanecerán abertas as ludotecas durante todo o período de Nadal ás que os nenos poderán acudir no horario habitual: de 17.30 a 20.00 de luns a venres para os pequenos nacidos entre 2003 e 2008 e os sábados de 10.30 a 13.00 con actividades dirixidas a nenos e nenas de Infantil e Primaria.

Aula da Natureza

A programación do Concello se complementa coas actividades da Concellería de Educación que propón para este nadal o obradoiro “Aprende a facer os teus xoguetes” do 20 de decembro ó 5 de xaneiro na Aula da Natureza do Río Miño, que amosará a nenos e maiores a importancia da reciclaxe, reutilizando todo tipo de materiais para facer xoguetes.
A inscripción tamén é gratuíta e pódese facer na Aula da Natureza do Río Miño (Paseo fluvial de Oira s/n) ou na Concellería de Educación.

Ademáis manterase nas Bibliotecas municipais da cidade (San Francisco, A Ponte e A Carballeira) e no Punto Infantil de Lectura do Couto, o Programa de Animación á Lectura, nas cales e a través do libro “A árbore dos Valores”, propóñenese actividades para nenos e nenas de 4 a 10 anos.

Recepción de Nadal as AA.VV.

Dende a Concellería de Participación Cidadá estanse a levar a cabo iniciativas relacionadas co Nadal, e o día 21 de decembro terá lugar a tradicional recepción por parte do alcalde de Ourense, Francisco Rodríguez, e a concelleira de Participación Cidadá, María Devesa ós representantes e membros das Asociacións de Veciños da cidade.
O acto terá lugar no Auditorio e actuará a Coral de Velle coa compañía de María do Ceo.