As escandinavas ZPR Trío despiden o ano coa interpretación das Variacións Goldberg, no que será o último concerto deste 2011 do ciclo Sen Batuta que organiza a Concellería de Cultura do Concello de Ourense.
Zilliacus Persson Raitinen son tres xóvenes intérpretes ao violín, viola e cello cuxa formación é hoxe considerada unha das máis valoradas e activas do seu pais natal.

ZPR Trío estará actuando no Paraninfo do Otero Pedrayo o primeiro de decembro, ás 20:30 horas, como a maioría dos concertos deste ciclo.
Como vén sendo práctica habitual en Sen Batuta, ás 19:30 Hs. o público podera desfrutar libremente dun encontro coloquio coas artistas para intercambiar impresións e coñecer máis sobre o mendo da camerística.
O prezo das entradas para o concerto é de 6€, con desconto do 50% para posuídores de carné xoven, xubilados e estudantes. Os menores de 18 anos teñen entrada de balde.

ZPR Trío é unha agrupación formada en 1999 en Suecia polas intérpretes Cecilia Zilliacus (violín), Johanna Persson (viola) e Kati Raitinen (cello).
A súa traxectoria valeulles en 2007 a coordinación artística da tempada de música de Cámara de Estocolmo, a máis importante do país.