A Fundación “Taller de Solidariedade” vén de presentar a campaña de sensibilización “Mujeres soñadoras”, coa que colabora o Concello de Ourense a través da Concellería de Igualdade e Voluntariado.
Lucy e Ping Rabina contan a súa experiencia no proxecto “Talleres de Nazaret en Manila”, Filipinas, que da traballo a máis de 200 mulleres sen recursos, en 6 talleres nos que realizan dende traballos textiles ata procesamentos de alimentos para a súa venda no mercado local e a súa posterior importación e venda a través das tendas de Comercio Xusto.

Dos 7.000 millóns de persoas que viven no mundo, máis de 1.400 millóns de persoas, é dicir o 20% da poboación mundial, dispoñen de un dólar ó día ou menos e a mayoría de estas persoas son mulleres. Según datos de UNIFEM (Fondo das Nacións Unidas para as Mulleres), o 70% son mulleres, así coma 7 de cada 10 persoas que morren de fame no mundos. A mesma fonte indica que case dous tercios dos 770 millóns de persoas analfabetas, son mulleres.

“Mujeres soñadoras” ten coma obxectivo dar a coñecer o traballo da Fundación “Taller de Solidaridad” a través de máis de 50 proxectos de desenvolvemento en favor da muller e da igualdade de xénero en América Latina, Asia e África ó longo dos últimos 10 anos.
A campaña, de ámbito estatal e que durará ata xuño, pretende dar a coñecer o traballo que realiza a Fundación no que prioriza á muller coma protagonista e destinataria das súas accións, en especial no ámbito laboral e de dignificación do traballo.

“Mujeres soñadoras” será levada ós Centros Educativos, nos cales, persoas involucradas nos proxectos de desenvolvemento trasladarán ós cativos o seu traballo e a importancia da igualdade de xéneros. Así mesmo organizaranse concursos e completarase con charlas informativas na Aula da Concellería de Igualdade, para mulleres e persoas  interesadas neste tipo de proxectos.
A campaña serve así mesmo de ponte entre a organización e outros actores, coma ONGDs, institucións públicas, Fundacións, universidades... que traballen en favor da muller, de cara a conseguir sinerxias en actividades en España ou posibles proxectos no exterior.