O alcalde de Ourense, Francisco Rodríguez, acompañado pola concelleira de Benestar Social e Saúde, Marga Martín, inauguraron este mércores os cursos para maiores ofertados pola concellería de Benestar Social, que "como cada ano cumplen as expectactivas de participación con 665 persoas inscritas", sinala o Concello de Ourense. De esas 665 persoas,191 incorpóranse por primeira vez á oferta de actividades para este ano.

O Concello de Ourense, a través da Concellería de Benestar Social, propón unha oferta de 18 cursos e actividades lúdicas dirixidos a persoas maiores de 60 anos empadronadas no Concello de Ourense.
Entre a oferta para este curso, 2011-2012, as actividades máis demandadas son o exercicio físico, con ximnasia e pilates, informática e uso do teléfono móvil, que desperta a curiosidade dos maiores e os obradoiros de memoria. Este programa ofrece unha oportunidade educativa e cultural para as persoas maiores e pretende contribuír á integración das persoas maiores na sociedade facilitándolles unha actividade socialmente relevante e mellorala súa calidade de vida fomentando as súas capacidades intelectuais e as súas aptitudes sociais.
O programa contribúe á adquisición de novas destrezas e habilidades e a compartir experiencias e potenciar hábitos de convivencia e tolerancia interpersonais e interxeneracionais.