Segundo datos de Sogama, Ecoembes e Ecovidrio, entidades que xestionan a reciclaxe na nosa cidade, cada ourensán xenera unha media de 0,9 kg de residuos ó día, o cal supuxo no ano 2010 un total de 36.000 toneladas. O Concello de Ourense pretende a través dunha campaña informativa e de concienciación, reducir o nivel de lixo por habitante e a súa implicación activa no proceso de reciclaxe.
É o eixo principal da nova campaña que se ven de presentar este luns, e que leva por lema "Ourense é a túa casa".
Na presentación, a concelleira de Limpeza, Susana Bayo, destacou a importancia da colaboración en materia de reciclaxe e a concienciación cidadá para evitar erros frecuentes como é a deposición de impropios (lixo que debería ir en outros contenedores).

A campaña xorde como unha necesidade para concienciar ós cidadáns e consiste nunha serie de actuacións encamiñadas a mellorar a identificación dos contenedores, ampliar a información sobre reciclaxe da que dispoñen os cidadáns e potenciala separación selectiva de lixo a través de iniciativas que impliquen a súa participación activa.
“Ourense é a túa casa” incluirá a nova identificación dos contenedores da cidade cun adhesivo identificativo dos residuos que se deben depositar en cada contenedor, e vinilos no chán lembrando o correcto uso dos contenedores, o reparto de dípticos informativos e a inserción dun folleto explicativo sobre a correcta reciclaxe na próxima factura da auga e recollida de lixo.
Todas estas iniciativas teñen coma obxetivo fomentar o coñecemento en materia de reciclaxe que teñen os cidadáns e coa súa colaboración seguir mellorando na recollida selectiva de basuras.

Esta campaña iniciase con información sobre a correcta reciclaxe de papel, envases e vidro e seguiranlle accións sobre a recollida de aceite, coa instalación de contenedores de aceite en diferentes puntos da cidade e reparto de embudos para os cidadáns e fomentar a compostaxe, que é un proceso de xestión do lixo, que consiste en reintegrar os desfeitos orgánicos no proceso productivo do solo como fertilizantes en base a unha descomposición aeróbica.