A Concellería de Educación do Concello de Ourense abriu a partires deste mércores, 1 de xuño, ata o martes, 21 deste mesmo mes, o prazo de preinscrición para novos alumnos nas Escolas Municipais de Artes Escénicas, Música e Idiomas para o vindeiro curso 2011-2012.

A Escola Municipal de Artes Escénicas oferta un total de 41 prazas, nas modalidades de Teatro para Nenos, en grupos de 5 a 7 anos, de 7 a 11, e de 11 a 14 anos, Mozos (de 14 a 18 anos), e Adultos.
Pola súa banda, a Escola Municipal de Idiomas oferta un total de 55 prazas de inglés en diferentes niveis (21 para nenos e 34 para adultos), en grupos definidos en función da idade e coñecementos previos dos alumnos.
Na Escola Municipal de Música ofértanse un total de 44 prazas, nas modalidades de Música e Movemento (para nenos de 4 anos), Clarinete e Flauta.

Tódolos interesados poden realizar a preinscrición, solicitar máis información e documentación dende hoxe ata o 21 de xuño na Concellería de Educación do Concello de Ourense, na Praza de San Martiño, 2, 1ª.
Deberán cumplimentar unha solicitude, que se facilita na Concellería de Educación, presentar certificado de empadroamento en Ourense, renda anual da unidade familiar, fotocopia do DNI e do libro de familia.

As listas de novos admitidos publicaranse o día 1 de setembro na Concellería de Educación e na web www.educacionourense.com, abríndose un prazo de reclamacións ata o día 10 de setembro