Organizado pola Coordinadora Comarcal de Equipos de Normalización e Dinamización Lingüistica de Terra de Celanova-Baixa Limia, o CEIP de Bande acolle este xoves, 2 de xuño, o Primeiro Encontro Escolar pola normalización da Lingua Galega.
Terá lugar de 11 da mañá a unha e media da tarde.

Escolares de Celanova, Cartelle, Ramirás, Lobios, Muiños, Entrimo e o mesmo Bande, tomarán parte nunha serie de actividades que van dende o teatro hasta unha proxección audiovisual pasando por interpretacións musicais, entre as que está un rap, o Rap das Meigallas do alumnado do CEIP de Entrimo.
Tamén haberá un recitado de refráns populares a cargo de escolares do CEIP de Lobios.
As actividades comezan con a representación teatral “A tía lambida” de Eduardo Blanco Amor polos alumnos do CEIP de Bande, e rematará coa proxección do audiovisual “O Galego encaixa” que se elaborou a partir de dita exposición da propia Coordinadora Terra de Celanova-Baixa Limia.

Unha exposición didáctica sobre a verea vella Allariz-Celanova, unha montaxe ao título “Os vellos da Baixa Limia” e a actuación de contacontos, completan un denso programa de duas horas e media de actividades a prol da dinamización lingüistica.