A Concellería de Educación do Concello de Ourense coa colaboración da Asociación Galega de Apicultores organiza a actividade “Semana da mel”, dirixida a escolares dos centros educativos da cidade, que terá lugar na Aula da Natureza do río Miño, en Oira.
Un total de 41 alumnos de Primaria do colexio A Ponte participarán este xoves, de 10:15 a 13:00 Hs., nesta actividade, que consiste básicamente nun ciclo de charlas impartidas por un apicultor profesional, xunto con traballos e actividades en grupo, onde os participantes coñecerán a importancia das abellas no mundo e familizaranse coa apicultura tradicional

A actividade desenvolverase ata o día 31 de xaneiro e contará coa participación dun total de 505 alumnos de 10 centros educativos da cidade.
Os escolares coñecerán a colmena, aprenderán a recoñecer as abellas, como se reproducen e que actividades realizan, e como se desenvolve unha comunidade onde se traballa sen descanso, cuxo único obxectivo é traballar en conxunto pola perpetuidade da especie, ademáis de coñecer os produtos cos que nos obsequian as abellas e as propiedades tanto nutricionais como terapéuticas do mel.
As charlas constan de tres partes: Introdución á apicultura, Transformación de produtos e subprodutos do mel e unha terceira consistente no obradoiro: Crear a propia vela.