O Concello de Ourense apoiará a actividade que desenvolven as asociacións ourensás a prol da saúde e o benestar social na cidade cunha achega económica total de 376.556 euros para o presente ano 2010.
O alcalde de Ourense, Francisco Rodríguez, asinou este mércores os convenios de colaboración entre o Concello e 19 colectivos que desenvolven o seu labor nestes ámbitos na cidade de Ourense.
A eles se engadirá nos próximos días a sinatura dos convenios con outras 6 asociacións, polo que os convenios do Concello darán apoio a un total de 25 colectivos ourensáns.

“Con estas achegas, a Concellería de Benestar Social do Concello de Ourense reafirma o seu compromiso de apoio ás asociacións ourensáns, que manterán as mesmas axudas coas que contaron no pasado ano 2009, un exercicio no que o programa de axudas incrementara nun 8.1% a súa contía económica”, sinálase dende o departamento de Marga Martín.

Os convenios asinados darán apoio ás seguintes asociacións nas cuantías que tamén se reflexan:

• ASOCIACION ESPAÑOLA CONTRA O CANCRO:     6.300€

• ASOCIACION AMAS DE CASA E CONSUMO MONTEALEGRE:   5.250€

• GALICIA TERRA DE ACOLLIDA:   6.300€

• AIXIÑA:   18.900€

• ASOC FAMILIARES E ENGFERMOS MENTAIS MOREA:   21.000€

• ASPACE (AXUDA A PARÁLISE CEREBRAL):   6.783€

• ASPANAS:   18.900€

• ASOCIACION DE PERSOAS XORDAS DE OURENSE:   21.000€

• HERMANITAS ANCIANS DESAMPARADOS:   12.630€

• CRUZ VERMELLA:   26.250€

• ASOCIACION OURENSÁ DE HEMOFILIA:   4.878€

• AFAOR (FAMILIARES DE ENFERMOS DE ALZHEIMER):   26.250€

• DISCAFIS:   18.900€

• ASOCIACIÓN DE PENSIONISTAS E XUBILADOS (SPES):   3.150€

• ASOCIACIÓN CADABULLO:   6.200€

• ASOCIACIÓN OURENSÁ AFECTADOS FATIGA CRÓNICA, FIBROMIALXIA, ARTRITIS E ARTROSIS (ASSOUFFA):   5.000€

• ASOCIACIÓN DE FIBROMIALXIA E SÍNDROME DE FATIGA CRÓNICA (AFFOU):    5.250€

• ASOCIACIÓN DIABÉTICA AURIA:   6.000€

• ASOC CULTURAL GALEGA DE FORMAICÓN PERMANENTE DE ADULTOS (AULA DA TERCEIRA IDADE):   3.665€

A estes convenios engadirase nos próximos días a sinatura dos acordos de colaboración entre o Concello e outras seis organizacións: Cáritas, por importe de 36.750 euros, Alzer, con 7.200 euros, e catro asociacións que desenvolven o seu labor específicamente no ámbito da prevención de drogodependencias, como son Atox, Proxecto Home, Abeiro e Comité Cidadán Anti Sida, neste caso por un importe total de 110.000 euros.