O Tenente Alcalde de Ourense, Andrés García Mata, e o Concelleiro de Deportes, Fernando Varela, visitaron as obras que están a executar no pavillón polideportivo de Oira. Xa a piques de rematar, o proxecto supuxo unha reforma completa destas instalacións, longamente demandada polos usuarios, segundo informa o departamento de Fernando Varela.
As obras supuxeron o derrubamento da grada sur e vestiarios de cara a ampliar estes últimos; substitutiuse todo o pavimento e melloráronse os aillamentos e condicións térmicas das instalacións, o que inclúe tamén a colocación de paneis solares na cuberta para aproveitamento enerxético e auga quente. Ademais, pechanse espazos antes abertos, polo que todo o recinto quedará cuberto, e habilitáse unha nova sala multiusos, na que previsiblemente instalaráse un ximnasio. A reforma contou cun orzamento de 360.000 euros.
Para o Concelleiro de Deportes, Fernando Varela, con estas obras recupéranse e amplíanse os usos dun espazo moi empregando polos ourensáns, de xeito que “haberá espazo para baloncesto, fútbol sala, balonmano e hockei, especialmente para os practicantes deste último, xa que moitos clubes estaban aquí asentados”.
Novo sistema de alumeado
Na mesma visita procedeuse ao acendido inaugural das novas instalacións lumínicas das pistas de fútbol 7 e volei praia do recinto. En total son 24 novas luminarias de gran formato as que se instalaron, de cara a acadar os mínimos requeridos polas correspondentes federacións deportivas para este recinto; 18 proxectores para o campo de fútbol e 6 para o de volei praia.
O orzamento desta actuación ronda os 176.000 euros.
Segundo o Tenente Alcalde, estas obras continuan a deslocalizar as instalacións deportivas na cidade, un paso preciso para cumplir a máxima de “Deporte para todos” que marca o traballo da Concellería que dirixe Fernando Varela. “Entendemos que todas as zonas da cidade teñen dereito a contar con instalacións deportivas dignas alí onde sexa preciso e que as actuais atópanse as veces saturadas, polo que é preciso continaur traballando para amplialas e mellorar as existentes”, sinalou Andrés García Mata. |
|