A Concellería de Educación do Concello de Ourense organiza o ciclo de obradoiros "Aprende a facer os teus disfraces con material reciclado”, dixirido a persoas de tódalas idades, que se desenvolverá do 1 ó 15 de febreiro na Aula de Natureza do río Miño, en Oira, de 18:00 a 20:30 horas. Os alumnos participarán en actividades baseadas na elaboración de disfraces para o Entroido empregando materiais reciclados como pode ser cartóns, papel de xornal, botellas de plástico, roupa vella, teas, cds, bolsas de plástico ou calqueira tipo de material reutilizable, empregando moita creatividade.

A actividade ten como obxectivos que as persoas aprendan a reciclar todo tipo de materiais mentres se divirten e, ó mesmo tempo, concienciar do valor do traballo de separación de residuos na casa e do axeitado depósito destes nos colectores, para seren aproveitados da forma máis apropiada, e coñecer o proceso da reciclaxe e destino de residuos concretos cun único obxectivo: o coidado do medio ambiente.