Dúas naves industrias situadas no Área de Reparto AR 36 N, anexas ao recinto do Campo da Feira, nas marxes do Barbaña, xa son de titularidade pública. A Concellería de Turismo e Termalismo ven de realizar a compra dos inmóbeis, recuperando así o Concello de Ourense unha parcela de 5.000 metros cadrados que volverá ser de uso público e se destinará, en principio, a zona verde.
A acción inclúese dentro das pautas marcadas no Plan Estratéxico Termal de Ourense, e contempla a liberación dun enclave singular na cidade e estratéxico para o aproveitamento termal.
Os terreos da parcela suman un espazo de 5.000 metros cadrados recuperados para a cidade, e que darán continuidade ao proxecto de reforma, xa moi avanzado, do Campo da Feira, anexo ao recinto. A compra supuxo un investimendo de 578.000 euros. O obxectivo é destinar este espazo a un área de desfrute público, previsiblemente unha zona verde.
O Concello de Ourense considera que con esta acción dase un paso más no acondicionamento e posta en valor do entorno do Campo da Feira tradicionalmente pechado ao río e cun alto grao de feísmo urbanístico. Supón, como explicou a propia edil de Tremalismo, Ana Garza, unha aposta máis pola recuperación das ribeiras do Miño e a súa orientación cara o termalismo e o turismo que deste se deriva, xerando espazos de lecer para a cidadanía. |
|