Este lunes remata o prazo para inscribirse no curso “Danzas populares do Mundo, nivel I” que organiza o Concello de Ourense a través da Concellería de Educación.
O curso está aberto a calquer persoa interesada, especialmente a estudiantes e opositores de Maxisterio, maestros de Educación Infantil, Educación Física e Educación Musical. O escenario do mesmo será a Escola de Artes Escénicas de Ourense, os días 11, 12, 13, 18, 19, 20, 25, 26 e 27 de xaneiro, de 17:40 a 21:00 horas.
Os obxectivos principais da actividade consisten no coñecemento de danzas populares do mundo como parte do patrimonio cultural e mostra da igualdade na diversidade, coñecer as manifestacións artísticas e culturais, especialmente no ámbito musical, traballar na educación en valores, e entender que as fronteiras son máis mentais que físicas, potenciando un sentir solidario ante o fenómeno da inmigración, e unha xuventude tolerante e sen prexuicios.
Algúns dos contidos do mesmo tratarán sobre o corpo e o movemento como medios de expresión musical e artística, realización de danzas por imitación, ou baile popular, entre outros.
A metodoloxía da actividade será activa e participativa, na que cada danza se aprenderá por imitación, sinala o departamento de Ana Garrido, que recorda, asemande, que nos vindeiros meses, tamén na Escola de Artes Escénicas, serán impartidos outros cursos relacionados, como “Introducción á dirección e canto coral” e “A historia da música a través do cine”.
|