A Concelleira de Industria, Comercio, Turismo e Termalismo, Ana Garza Cortiñas presentou este luns unha nova edición de Sabores de Outono 2009, unha campaña de promoción gastronómica que xa se desenvolveu con éxito o pasado outono e que este ano repite con participación ampliada. Acompañandoa na mesa estiveron representando á UHO José Miguel Pérez e Javier Outomuro, ambos hosteleiros e membros da directiva. Todos coincidían “na importancia que ten desenvolver actividades dinamizadoras comaa esta, que aposten decididamente pola innovación e a formación, xa que nelas se sustenta a viabilidade da hostelería”.
As xornadas gastronómicas Sabores de Outono arrancou xa este luns día 2 de novembro con obradoiros de formación dirixidos á profesionais e impartidos por recoñecidos cociñeiros “defensores a ultranza dos productos autóctonos e de calidade”. Os poñentes nestas sesións serán, segundo explicou Javier Outomuro, Gloria Elías Martín, cuxo restaurante “El Empalme” en Zamora é referente internacional para os micólogos, Alfonso Meneses, expecialista en pinchos, e Antonio González, de “El Rincón” tamén en Zamora, establecemento cunha estrela Michelin. Os tres impartirán uns obradoiros prácticos, en total 10 horas de formación, un adicado ás castañas e viños e outro a cogumelos e postres. Desenvolveránse no Asador de Roa.
A partir do día 6 de novembro e até o 16 chegará o turno dos menús adicados aos productos do outono, unha iniciativa que, como explicou a edil nacionalista Ana Garza “sírvenos para serrar unha oferta atractiva para o turista nunhas datas nas que non necesariamente hai moito movemento. Facendo coincidir coa festividade dos magostos, recentemente declarada de interese turístico, estamos colocando a Ourense coma un destino turístico atractivo”. Os menús, tapas e pinchos poderán saborear en máis de 30 establecementos da cidade estes días e deberán ter como única condición a presenza neles de castañas, cogumelos ou pan de cea.
|
|