Tal foi o caso, por exemplo, do sinistro rexistrado fai uns días en montes de Vilardevós, ao respecto do que a Consellería de Medio Rural aclara que en ningún momento sinalou que fora o maior sinistro rexistrado en Galicia neste ano, senón neste verán.
A Consellería de Medio Rural rexeita debates “estériles” que se poideran xerar ao respecto, que “só poden contribuir, en última instancia, a dar aires á actividade incendiaria”, e reafirmase nunha política de comunicación “veraz e transparente”.
Ao respecto da determinación de informar dos lumes cando estes afecten a unha extensión superior ás 20 hectáreas, o departamento de Samuel Juárez sinala que “a organización ecoloxista Greenpeace –ben pouco sospeitosa de defender os intereses de ningún goberno-, no seu último informe sobre o asunto, “El futuro en llamas”, cualifica como incendios grandes aqueles que superan as 500 hectáreas, é dicir, 25 veces máis do tamaño a partir do cal este Gabinete informa de maneira automática”.
Por último, sinala Medio Rural que só neste mes de agosto recibíronse no Gabinete de Comunicación da Consellería máis de 300 peticións de medios de comunicación sobre incendios. “Todas elas foron respondidas no mesmo día en que foron formuladas, facilitando telefonicamente datos sobre localización, duración, superficie e medios empregados na extinción”. O que quere decir que non polo feito de non informar de oficio sobre aqueles incendios que non contabilizan a superficie sinalada, non se fai nos casos en que son os medios de comunicación e os informadores os que se interesan por casos concretos e específicos. |
