Coarenta nenos de diferentes Núcleos de Sostibilidade de Galicia atópanse esta semana no concello de Castrelo de Miño, nun campamento que se dedica a fortalecer os bos usos medioambientais, segundo informa este Concello.
Esta actividade está organizada pola Consellería de Medio Ambiente, e conta coa colaboración do Clube Náutico de Castrelo de Miño.
“O obxectivo destes campamentos de verán é que os nenos recoñezan a importancia do medio natural que rodea os encoros con unha actitude de interese e de respecto, mediante a propia experiencia e mediante actividades lúdicas para indentificar as súas características máis significativas”, sinala o Concello de Castrelo.

Os rapaces están aloxados no Albergue ubicado no mesmo Parque Náutico de Galicia en Castrelo de Miño. Os nenos son de A Bola, 9, 14 de Pontecaldelas, 9 de Covelo, 7 de Poio y un de Vilaboa, con idades comprendidas entre os 8 e os 14 anos.
As actividades programadas, tales como rutas de sendeirismo, iniciación ao piragüismo, vela e winsurf, entre outras, están íntegramente deseñadas para a súa realización dentro do entorno de Castrelo de Miño, facendo incursións educativas na flora e na fauna do contorno, así como actividades lúdico-deportivas no Parque Náutico tales como xogos e veladas.