A Denominación de Orixe Ribeiro acadou un total de oito galardóns, tres deles de ouro, cos viños presentados ao “Concurso Mundial de Bruselas” ao que este ano concurriron máis de 40 países.
Os tres primeiros viños premiados da D.O. Ribeiro foron Colección Costeira Treixadura 2008, Lagar do Meréns Barrica 2007 e Sameirás Branco 2007, os tres galardonados coas medallas de ouro.
 
As medallas de prata foron para  Adega do Moucho 2007,  Pazo do Mar Expresión 2008,  Finca Hispana

Treixadura 2008, Lagar do Meréns 2007 e Teira X 2007.
O que totaliza oito viños desta Denominación Ribeiro premiados nesta edición do certame de Bruselas.

Creado en 1994, o “Concours Mondial de Bruxelles” implantouse dalgún xeito no rango dos campionatos do mundo do viño con máis de 6.000 produtos do mundo enteiro en competición. O que fai que, unha vez reunidas todas, estas mostras representen máis de 500 millóns de botellas comercializadas.
Composto unicamente de profesionais, o xurado do Concours Mondial reúne cada ano o máis grande número de expertos internacionais do viño e da viña. Preto de 40 nacionalidades son representadas, unha diversidade que contribúe ao carácter único do evento, segundo informa o Consellero Regulador da D.O. Ribeiro.